YANGI TUG‘ILGAN CHAQALOQLARDA TUG‘MA YUQORI ICHAK TUTILISHINING PRENATAL VA POSTNATAL DIAGNOSTIK MEZONLARI

Abstract

Ushbu maqolada yangi tug‘ilgan chaqaloqlarda tug‘ma ichak tutilishining (kongenital intestinal obstruktsiya) etiologiyasi, patogenezi, klinik ko‘rinishlari, diagnostik usullari va zamonaviy davolash yondashuvlari ilmiy asosda yoritilgan. Tug‘ma ichak tutilishi neonatal davrning eng og‘ir va shoshilinch jarrohlik patologiyalaridan biri bo‘lib, uning o‘z vaqtida tashxislanishi va to‘g‘ri davolash taktikasi chaqaloqning hayoti va keyingi rivojlanishi uchun hal qiluvchi ahamiyatga ega. Maqolada ichak tutilishining anatomik darajasiga ko‘ra yuqori (duodenal, proksimal jejunal) va past (distal jejunal, ileal, kolonik) obstruktsiya turlari, shuningdek, to‘liq va qisman tutilish shakllari tahlil qilinadi. Duodenal atreziya, jejunoileal atreziya, mekonium ileusi, xirshprung kasalligi va anorektal malformatsiyalar kabi asosiy nozologik shakllarning o‘ziga xos belgilari va differensial diagnostik mezonlari batafsil muhokama qilinadi. Maqolaning so‘nggi qismida prenatal ultratovush diagnostikasi, postnatal rentgenologik tekshiruvlar (qorin bo‘shlig‘ining oddiy rentgenogrammasi, irrigografiya, kontrastli o‘tish tekshiruvi) va zamonaviy davolash usullari - dekompressiya, infuzion terapiya, jarrohlik korreksiya (anastomoz, stoma qo‘yish) va reabilitatsiya masalalari yoritilgan.