INDUSTRY 4.0 KONSEPSIYASIDA ROBOTOTEXNIKANING IQTISODIY RIVOJLANISHDAGI O‘RNI

Abstract

Industry 4.0 konsepsiyasi doirasida robototexnika texnologiyalarining iqtisodiy rivojlanishdagi o‘rni tobora ortib bormoqda. Ushbu tadqiqotda robototexnika, sun’iy intellekt, narsalar interneti (iot) va raqamli ishlab chiqarish tizimlarining iqtisodiy o‘sishga ta’siri tahlil qilingan. Robototexnika texnologiyalarining ishlab chiqarish jarayonlariga integratsiyalashuvi mehnat unumdorligini oshirish, ishlab chiqarish xarajatlarini kamaytirish va mahsulot sifatini yaxshilashga xizmat qilishi aniqlangan. Shuningdek, aqlli fabrikalar (smart factories) va avtomatlashtirilgan tizimlar korxonalarning innovatsion salohiyatini kuchaytirishi hamda raqobatbardoshligini oshirishi ko‘rib chiqilgan. Tadqiqot natijalari robototexnika texnologiyalaridan samarali foydalanish iqtisodiy resurslardan oqilona foydalanish, ishlab chiqarish samaradorligini oshirish va barqaror iqtisodiy rivojlanishni ta’minlashda muhim omil ekanligini ko‘rsatadi. Shu bilan birga, texnologik transformatsiya jarayonida yuzaga keladigan investitsiya xarajatlari va kadrlar malakasiga bo‘lgan talablar ham tahlil qilingan. Umuman olganda, industry 4.0 sharoitida robototexnika iqtisodiy o‘sishning asosiy drayverlaridan biri sifatida e’tirof etiladi.