RAQAMLI IQTISODIYOT SHAROITIDA ROBOTOTEXNIKANING ISHLAB CHIQARISH SAMARADORLIGIGA TA’SIRI

Abstract

Raqamli iqtisodiyot sharoitida robototexnika texnologiyalarining ishlab chiqarish samaradorligiga ta’siri o‘rganilgan. Tadqiqotda robotlashtirish va avtomatlashtirish jarayonlarining korxonalar faoliyatidagi ahamiyati, ularning mehnat unumdorligi, mahsulot sifati hamda ishlab chiqarish xarajatlariga ta’siri tahlil qilingan. Shuningdek, industry 4.0 konsepsiyasi doirasida robototexnika tizimlarining ishlab chiqarish jarayonlariga integratsiyalashuvi natijasida yuzaga kelayotgan iqtisodiy afzalliklar va muammolar ko‘rib chiqilgan. Tadqiqot natijalari robototexnika texnologiyalaridan foydalanish ishlab chiqarish siklini qisqartirish, inson omili bilan bog‘liq xatolarni kamaytirish, resurslardan samarali foydalanish va korxonalarning raqobatbardoshligini oshirishga xizmat qilishini ko‘rsatdi. Shu bilan birga, robotlashtirishni joriy etish uchun zarur investitsiyalar, malakali kadrlarni tayyorlash va texnologik infratuzilmani rivojlantirish masalalari ham yoritilgan. Tadqiqot xulosalariga ko‘ra, raqamli iqtisodiyotning jadal rivojlanishi sharoitida robototexnika texnologiyalarini ishlab chiqarishga keng tatbiq etish korxonalar faoliyati samaradorligini oshirishning muhim omillaridan biri hisoblanadi.