TASVIRIY SAN’AT O‘QITUVCHILARINING KASBIY-IJODIY RIVOJLANISHIDA AUTOPEDAGOGIK KOMPETENTLIKNING O‘RNI

Abstract

Mazkur ilmiy maqolada bo‘lajak tasviriy san’at o‘qituvchilarida autopedagogik kompetentlikni rivojlantirish muammosi shaxsga yo‘naltirilgan yondashuvning konseptual asoslari nuqtayi nazaridan chuqur tahlil etiladi. Tadqiqotda shaxsga yo‘naltirilgan ta’lim paradigmasining nazariy-metodologik asoslari ochib berilib, uning bo‘lajak o‘qituvchilarning autopedagogik kompetentligini shakllantirish va rivojlantirishdagi pedagogik imkoniyatlari asoslab berilgan. Shuningdek, kasbiy tayyorgarlik jarayonida bo‘lajak mutaxassislarning o‘z-o‘zini anglash, refleksiv tahlil, kasbiy o‘zini-o‘zi rivojlantirish hamda uzluksiz professional takomillashuv ko‘nikmalarini rivojlantirishga xizmat qiluvchi didaktik va tashkiliy mexanizmlar tizimli ravishda yoritilgan. Maqola natijalari tasviriy san’at ta’limi jarayonida bo‘lajak o‘qituvchilarning kasbiy kompetentligini oshirish, ularning professional faoliyatga tayyorlik darajasini takomillashtirishga metodologik asos bo‘lib xizmat qiladi.