GLOBAL TA’LIM TENDENSIYALARI SHAROITIDA SUN’IY INTELLEKTDAN FOYDALANISH: YURIDIK TA’LIMNI RIVOJLANTIRISHNING HUQUQIY ASOSLARI

Abstract

Mazkur maqolada global ta’lim tizimida kuzatilayotgan raqamli transformatsiya jarayonlari hamda sun’iy intellekt texnologiyalarining ta’lim va ilmiy tadqiqotlar sohasiga ta’siri tahlil qilingan. Xususan, sun’iy intellektdan ta’lim jarayonida foydalanishning xalqaro tendensiyalari, UNESCO va boshqa xalqaro tashkilotlarning yondashuvlari, shuningdek, O‘zbekistonda ta’limni raqamlashtirish va yuridik ta’lim tizimini takomillashtirish bo‘yicha amalga oshirilayotgan islohotlarning huquqiy asoslari o‘rganilgan. Maqolada sun’iy intellektning yuridik ta’lim sifatini oshirish, huquqiy tadqiqotlarni takomillashtirish va bo‘lajak yuristlarda zamonaviy raqamli kompetensiyalarni shakllantirishdagi o‘rni yoritilgan. Shuningdek, akademik halollik, shaxsiy ma’lumotlarni himoya qilish va sun’iy intellektdan mas’uliyatli foydalanish bilan bog‘liq huquqiy hamda etik masalalar tahlil qilinib, yuridik ta’limni rivojlantirish bo‘yicha ilmiy xulosalar va takliflar ilgari surilgan.