RAQAMLI TRANSFORMATSIYANING MILLATLARARO NIKOHLARNING SHAKLLANISHIGA TA’SIRI

Abstract

Ushbu maqolada raqamli transformatsiya davrida raqamli texnologiyalarning shaxslararo muloqot va ijtimoiy munosabatlarga ta’siri, xususan, millatlararo nikohlarning shakllanishidagi o‘rni tahlil qilinadi. Internet, ijtimoiy tarmoqlar va tanishuv platformalarining kengayishi natijasida turli millat vakillarining muloqotga kirishish imkoniyatlari sezilarli darajada oshgan. Shu bilan birga, raqamli kommunikatsiya madaniyatlararo farqlarni yengish, emotsional yaqinlikni shakllantirish, shuningdek, virtual idealizatsiya va madaniy moslashuvdagi psixologik qiyinchiliklarni ham keltirib chiqarmoqda. Tadqiqotda raqamli texnologiyalar orqali yuzaga kelayotgan madaniyatlararo nikohlarning ijtimoiy-psixologik jihatlari tahlil qilinib, ularning jamiyatdagi yangi ijtimoiy o‘zgarishlar bilan bog‘liqligi yoritilgan.