TALABALARDA KIMYOVIY SAVODXONLIKNI RIVOJLANTIRISHDA PISA TOPSHIRIQLARINING O‘RNI

Abstract

Mazkur maqolada talabalarda kimyoviy savodxonlikni rivojlantirishda PISA (Programme for International Student Assessment) topshiriqlarining o‘rni ilmiy-metodik jihatdan tahlil qilingan. Tadqiqotning asosiy maqsadi - kimyo ta’limi jarayonida PISA tipidagi topshiriqlardan foydalanish orqali talabalar bilimlarini amaliyot bilan bog‘lash, ularning tahliliy fikrlash, muammoni hal etish va ilmiy asoslangan xulosa chiqarish kompetensiyalarini shakllantirishdan iborat. Ishda kimyoviy savodxonlikning mazmuni, tarkibiy komponentlari hamda PISA baholash tizimida qo‘llaniladigan kompetensiyalar (ilmiy hodisalarni tushuntirish, dalillardan foydalanish, muammoli vaziyatlarni tahlil qilish) kimyo faniga moslashtirilgan holda yoritilgan. Shuningdek, mustaqil ta’lim jarayonida PISA topshiriqlarini qo‘llashning didaktik mexanizmlari, topshiriqlarni tuzish tamoyillari va ularning o‘quv natijalariga ta’siri tahlil qilingan. Tadqiqot natijalari PISA yondashuvi asosida tashkil etilgan o‘quv jarayoni talabalarning kimyoviy savodxonligini, real hayotiy vaziyatlarda bilimlarni qo‘llash qobiliyatini hamda fanga bo‘lgan qiziqishini oshirishini ko‘rsatdi.