KIMYO FANIDA OZIQ-OVQAT MAHSULOTLARIDAGI NITRAT IONLARINI ANIQLASH TAJRIBALARINI O‘QITISHNING INNOVATSION METODIKASI

Abstract

Mazkur maqolada kimyo fanini o‘qitish jarayonida oziq-ovqat mahsulotlari tarkibidagi nitrat ionlarini aniqlash tajribalarini tashkil etishning innovatsion metodikasi yoritilgan. Tadqiqotning asosiy maqsadi - o‘quvchilarda analitik fikrlash, tajriba o‘tkazish ko‘nikmalari hamda ekologik va sog‘lom turmush tarziga oid kompetensiyalarni shakllantirish orqali ta’lim samaradorligini oshirishdan iborat. Ishda nitrat ionlarini aniqlashning sifat va miqdoriy usullari, xususan, difenilamin reaksiyasi, Griess usuli hamda ion-selektiv elektrodlar asosidagi zamonaviy yondashuvlar didaktik nuqtai nazardan tahlil qilingan. Shuningdek, laboratoriya mashg‘ulotlarini muammoli vaziyatlar, PISA tipidagi topshiriqlar, virtual laboratoriyalar va loyihaviy ta’lim elementlari asosida tashkil etish mexanizmlari ishlab chiqilgan. Taklif etilgan metodika o‘quvchilarning mustaqil ishlash faoliyatini faollashtirish, nazariy bilimlarni amaliyot bilan integratsiyalash hamda kimyoviy tajribalarni real hayotiy vaziyatlar bilan bog‘lashga xizmat qiladi. Tadqiqot natijalari innovatsion yondashuvlar asosida tashkil etilgan tajriba mashg‘ulotlari o‘quvchilarning bilim sifati va fanga bo‘lgan qiziqishini sezilarli darajada oshirishini ko‘rsatdi.