TALABA-YOSHLAR MA’NAVIYATINI YUKSALTIRISHDA XALQ FOLKLOR SAN’ATINING O‘RNI

Abstract

Ushbu maqolada talaba-yoshlar ma’naviyatini yuksaltirishda xalq folklor san’atining tutgan o‘rni, uning tarbiyaviy imkoniyatlari va oliy ta’lim muassasalarida folklor namunalaridan foydalanishning samarali usullari tahlil qilinadi. Xalq folklor san’ati - xalqning asrlar davomida to‘plagan hayotiy tajribasi, orzu-umidlari, axloqiy me’yorlari va estetik qarashlarini o‘zida mujassam etgan bebaho ma’naviy xazina sifatida talabalar qalbida vatanparvarlik, insonparvarlik, poklik, halollik kabi ezgu fazilatlarni shakllantirishda benazir vosita bo‘lib xizmat qiladi. Maqolada folklor san’atining turli janrlari - xalq og‘zaki ijodi, folklor qo‘shiqlari, raqslar, marosimlar, xalq o‘yinlari va hunarmandchilikning yoshlar ma’naviyatiga ta’sir etish mexanizmlari yoritilgan. Shuningdek, oliy ta’lim jarayonida folklor san’atidan foydalanishning nazariy-metodologik asoslari, uni o‘quv rejalari va darsdan tashqari mashg‘ulotlarga integratsiya qilish usullari, xalqaro tajriba va mahalliy ilmiy tadqiqotlar natijalari tahlil qilingan. Maqolada folklor san’ati vositasida ma’naviy tarbiya yoshlarning nafaqat ma’naviy-axloqiy qiyofasini, balki ularning kasbiy kompetentligini, ijodiy qobiliyatlarini va umummadaniy saviyasini ham yuksaltirishga xizmat qilishi asoslangan.