PEDAGOGIKA OLIY TA’LIM MUASSASALARIDA FOLKLOR SAN’ATINI O‘QITISH METODIKASI

Abstract

Ushbu maqolada pedagogika oliy ta’lim muassasalarida folklor san’atini o‘qitish metodikasining nazariy-metodologik asoslari, mavjud amaliyot tahlili va samarali metodik yondashuvlar yoritilgan. Xalq folklor san’ati - xalq pedagogikasining asosiy tarkibiy qismi sifatida asrlar davomida to‘plangan tarbiyaviy tajriba, axloqiy me’yorlar va estetik qarashlarni o‘zida mujassam etgan bo‘lib, bo‘lajak o‘qituvchilarni tayyorlashda muhim pedagogik resurs vazifasini o‘taydi. Maqolada folklor san’atini o‘qitish metodik tizimining tarkibiy komponentlari - maqsadli, mazmuniy, protsessual va natijaviy komponentlar tahlil qilingan. Shuningdek, o‘qitish tamoyillari, metod va vositalari, innovatsion yondashuvlar, xususan axborot-kommunikatsiya texnologiyalari va SMART metodlardan foydalanish imkoniyatlari yoritilgan. Termiz davlat pedagogika instituti Musiqiy ta’lim kafedrasi misolida folklor san’atini o‘qitish amaliyoti tahlil qilinib, kafedrada faoliyat yuritayotgan ilmiy-ijodiy to‘garaklar va ularning samaradorligi ko‘rsatib o‘tilgan. Bo‘lajak o‘qituvchilarning folklor sohasidagi kompetentligi tarkibi - motivatsion, kognitiv, amaliy va refleksiv komponentlar asoslangan. Maqolada folklor san’atini o‘qitish metodikasini takomillashtirish yo‘llari - o‘quv dasturlarini yangilash, innovatsion texnologiyalarni joriy etish, fanlararo integratsiyani kuchaytirish, moddiy-texnik bazani mustahkamlash va ilmiy-tadqiqot ishlarini kengaytirish bo‘yicha tavsiyalar ishlab chiqilgan.